logo acagliari.it
Sa gatu allatat sos pisitos
Diàlogu

Sardu Italianu

Giorgia: Mama, mama!? Como ti depo contare una cosa!
Marta: Ite est? Pro ite ses totu nischitzosa? Tando non t'intendes male male...
Giorgia: Non ti podes pensare ite bi fiat in mesu de sas matas in su parcu...
Marta: Ite bos seis postas a forrograre in mesu de sas matas? Deo non ti fatzo prus essire!
Giorgia: L'apo bidu deo! A pustis Simona e Laura nde sunt aprobiadas!
Marta: T'apo naradu milli e milli bortas a non regòllere cosa dae terra!
Giorgia: No, ma deo fia narende... amus agatadu unu calleddu tristu e solu...
Marta: Non l'as tocadu, ispero!
Giorgia: ...Mh... nde l'at pigadu Simona...
Marta: Mègius gasi, ca inoghe logu pro cane non bi nd'at!
Giorgia: Ma si aias bidu comente fiat bonu... e sos ogros... tristos e mannos!
Marta: Nosse, fìgia bella, non ti bastant sos gatos chi sunt nàschidos?
Giorgia: Ma sos gatos sunt de Daniele! Deo apo semper disigiadu unu cane...
Marta: Nono! E a ue lu dias pònnere su cane?
Giorgia: Paris cun sos gatos! Diant èssere amigos!
Marta: Nosse, non faghet!
Giorgia: Tando lu pregonto a babbu!
Marta: Sa chistione est serrada! E non dias ocasione cun custas bèstias!
Giorgia: Oh... ite bonos sos pisitos!
Marta: Faghet ispantu ca sunt essidos nieddos!
Giorgia: Nde potzo pigare unu?
Marta: Non bides ca sa gatu est mamende?
Giorgia: Eja... pro ite unu pisitu non papat?
Marta: Galu no est papende? L'apo bidu deo puru...
Giorgia: Tzertu! Si sos àteros no li faghent logu!
Marta: ...Nd'at semper unu prus dèbile! Si non papat s'at a mòrrere...
Giorgia: Ite tristura! No lu podimus agiuare? No l'apo a lassare mòrrere!
Marta: Est sa natura... ma si boles podimus provare a li dare su late...
Giorgia: E si li gheto late a una tzìcara?
Marta: Non ti pòngias presse! A pustis andamus a su supermercadu e li comporamus calicuna cosa.