logo acagliari.it
Gioddu o frùtora?
Diàlogu

Sardu Italianu

Giorgia: Mh... fàmene puru est pighende·mi! Ite narades si mandigamus?
Laura: Deo naro ca amus a pòdere incumintzare!
Simona: Cosa bella tenes de papare?
Laura: Como abbàido... mi l'at posta mama in antis de essire...
Giorgia: Apo comporadu pane grissinos cun crema de tziculate in iscola...
Laura: Deo tèngio unu paninu cun sartitza! Bonu!
Simona: Mh... a fragu bellu est! Mi lu faghes tastare a pustis?
Laura: Tzertu! Tue ite as batidu?
Simona: Como abbàido.... cun casu puru est cussu paninu? Lu potzo tastare?
Giorgia: Simona, ma tue non depias papare pagu? Ca fias a regime istrintu...
Simona: Tzertu! deo... nd'apo pigadu una mela dae sa mensa, ca sa frùtora non m'ingrassat!
Giorgia: Ebbia? Non ti pigat fàmene?
Laura: Si boles ti potzo dare unu gioddu chi m'at postu mama in bussa!
Simona: Pro custu merie dias pòdere fintzas mandigare àteru...
Laura: Ca giai istas bene gasi! Non tenes bisòngiu de pitzigare...
Simona: Tue naras?
Laura: Bidimus ite ti potzo dare... Ti praghet su gioddu?
Simona: A ite sabore est? Chi non siat a sabore de late però...
Laura: Est a sa panna cun bìculos de cafè!
Simona: Cafè puru? Mmh... mi paret pròpiu bonu... e sa mela? Chie la bolet?
Laura: Iseta, ca ti chirco sa culleredda!
Simona: Faghimus unu cosa? Deo ti dao sa mela e tue mi das su gioddu!
Laura: Mh... lassa a pèrdere... piga·lu, ca deo già tèngio su paninu!
Simona: E tue, Giorgia?
Giorgia: Ite est? Deo incumintzo! Chie nde bolet unu mòssigu?
Simona: Iseta! La dias bòlere sa mela?
Giorgia: E tue ti papas su gioddu ebbia?
Simona: Nosse! Faghimus un'iscàmbiu! Ite ti nde paret?
Giorgia: Dia dèpere donare sos grissinos cun crema de tziculate pro nde pigare una mela?
Simona: Deo lu naro pro te... t'intendias male puru... no at a èssere grae de digerire?
Giorgia: Forsis tenes resone...
Simona: E as a bènnere a bìdere ca est prus sana puru!
Giorgia: Tando faghimus comente naras tue...
Simona: Fida·ti, ca non ti depet pigare gana mala inoghe!