logo acagliari.it
S'amore meu pro su cantu
Diàlogu

Sardu Italianu

Giorgia: Giai chi ti praghet gasi meda a cantare pro ite non nos faghes intèndere custa cantzone?
Simona: Cantende a sa sola?
Laura: Sisse, giai ses un'iscuta narende...
Simona: Eh... ma no est chi potzo cantare gasi, sena àere provadu...
Laura: Ma non fias narende cosa a nois ca nos nde pariat birgòngia a cantare?
Simona: Non timo tzertu a isballiare, est ca...
Giorgia: Toca, ca deo t'apo intèndidu bortas medas e potzo cunfirmare ca ses brava!
Simona: Non m'as cumprèndidu, mi depo riservare sa boghe!
Giorgia: E ite manera! E ses a boghe forte puru...
Simona: Non bos l'apo naradu galu ma...
Giorgia: Ite tenes? Dolore de gùturu?
Laura: E no lu podias nàrrere? Totu custu pisi·pisi...
Simona: Nosse! Est unu segretu! Non bos l'apo naradu galu pro maìngiu!
Giorgia: Unu segretu? Como nos lu contas!
Simona: Depo fàghere una seletzione pro intrare comente boghe sola in una trasmissione televisiva!
Giorgia: In televisione? Cun orchestra e totu cantu?
Laura: Ohi, mama mia! E non ses timende?
Simona: Eja, de cussas chi pigant una bintina de giòvanos e nde sèberant su mègius! Pro tìmere già timo...
Giorgia: Biada tue... già ses pagu bona!
Laura: Tzessu, e mama tua ite narat?
Simona: Issa già est presada! A boisàteras ite bos nde paret?
Giorgia: As a bìnchere, seguru puru! Cando depes cantare?
Simona: Depo fàghere sa seletzione su mese chi intrat! Benides a mi bìdere?
Laura: E si la colas? Ti faghent intèndere in televisione puru?
Simona: Buca tua santa!
Laura: E si depes partire? Comente faghes cun s'iscola? No l'as pensadu?
Giorgia: Deo mi penso ca si una est bona a cantare o ballare depet provare!
Simona: Est su chi naro deo puru!
Laura: Pro me sunt totu istrolighèntzias chi nos istichit in conca sa televisione!
Giorgia: Ca nono... biada tue... a pitzu de unu palcu... cun lughes coloradas e bestires lughentes!