logo acagliari.it
Sas pilas si sunt iscarrigadas
Diàlogu

Sardu Italianu

Giorgia: Ah... già m'arroschet pagu a abarrare a isetare chi lompat su postale...
Simona: Ma como tenimus Marca pro giogare... beru? La', giai sa boghe mi connoschet!
Laura: Est de a beru belligheddu! Lassa ca ti lu leo deo como...
Simona: Ite nde narades si ascurtamus mùsica?
Giorgia: Mùsica? Deo mi l'apo iscarèssidu su letore mp3...
Simona: Brava! Cosa de iscarèssere fiat cussa!?
Giorgia: Ma tèngio su telefoneddu! Est de cussos noos... bi cabet mùsica meda!
Simona: Mùsica bella bi tenes a intro?
Giorgia: Eh... apo iscarrigadu cantzones noas eris merie...
Simona: Cales? Cosa chi connosco est?
Giorgia: No l'isco... cosa chi apo intèndidu dae frade meu! Sos amigos suos l'ascurtant...
Laura: Amus a pòdere ascurtare sa ràdiu!
Simona: No.. est nischitzosa sa mùsica chi trasmitent in sa ràdiu...
Giorgia: Podimus ascurtare sa mùsica mia, bidimus si si praghet... mi paret chi bi sunt bases musicales pro fàghere karaoke.
Simona: Lassa, lu tèngio deo su letore mp3... e cun mùsica bella puru!
Giorgia: Tando l'ascurtamus dae in cue... a su mancu bi colamus s'ora! Custu postale non lompet prus...
Laura: Tando, Simona, pone·lu in mesu, ca gasi l'intendimus totus tres!
Simona: Totus bator as a bòlere nàrrere! B'est Marca puru! Beru ca ti praghet sa mùsica!?
Giorgia: Incarca su tastu de mesu...
Simona: Non seis mancu bonas pro allùghere sa mùsica...
Giorgia: Prova tue, tando!
Simona: La', inoghe s'incarcat!
Laura: Forsis est segadu... dae meda lu tenes?
Simona: Non podet èssere segadu! Est nou!
Giorgia: Podet èssere chi si siant iscarrigadas sas baterias...
Simona: Eja, podet èssere. Faghe ca nde las tiro...
Laura: No las fùlies cun s'àtera arga...
Giorgia: Ite sunt de ferru?
Laura: Nosse, sunt de matèria tòssica... non si podent torrare a usare pro fàghere nudda!
Giorgia: E cun nudda semus abarradas fintzas nois!
Simona: Toca, si non faghet a ascurtare mùsica, como podimus puru cantare! Pone sa mùsica tua.