logo acagliari.it
Unu frade e una sorre
Diàlogu

Sardu Italianu

Marta: Ogni mangianu est una chistione: chertant tropu fìgios tuos...
Luigi: Fìgios tuos puru sunt! Como ando a bìdere ite est totu custu carràrgiu in gabinete.
Marta: Lassa istare... chertant pro s'issucare unu in antis de s'àteru, no est nudda!
Luigi: S'importante est chi si movant. Onni mangianu est sa matessi iscena. Penso chi siat Daniele a donare ocasione a sa sorre però...
Marta: Non ti creas... Giorgia puru giai est betiosa...
Luigi: Est beru, giai si bidet ca li bolet bene a sa sorre. Mancari Daniele in iscola non siat su prus bravu, pro s'edade sua est trancuillu. Mi paret ca semus pesende unu pitzocheddu de bonu sentidu.
Marta: Pro Giorgia est chi tèngio pensamentos, non pro Daniele...
Luigi: Pro Giorgia? Ma si nde torrat a domo cun sos mègius votos de sa classe!
Marta: No est pro s'iscola chi so apensamentada...
Luigi: E tando, it'est? Cosa t'at contadu?
Marta: No, non m'at contadu nudda, ma una mama cumprendet sos fìgios sena faeddare, regorda·ti·nde.
Luigi: E ite cheres nàrrere? Cosa t'at contadu?
Marta: No la bies chi est totu isbeliada?
Luigi: Non mi paret, inchieta mi paret.
Marta: Abbaidende·la mi so avèrtida de calicuna cosa...
Luigi: Ca nono! Giorgia est semper istada prus ispitza de su frade! Est s'edade!
Marta: Mi paret chi assimìgia meda a sorre tua... nd'at pigadu sa parte isballiada però.
Luigi: Como ti pones a chircare a connada tua!
Marta: Mi' ca fia brullende! Sas cumpàngias sunt, ca los amus pesados paris a fìgios nostros!
Luigi: At a èssere gasi, est boghende tropu pìbere pro s'edade sua. Ma sunt sos pitzocos de oe... nde intendo de contos dae sos collegas mios.
Marta: A pustis l'apo a chistionare, ca cussa pitzochedda chi essit cun issa tenet tropu musca!
Luigi: Chie? Nd'apo bidu una pariga...
Marta: Cussa male trozada chi essit paris cun sa sorrastra!