Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  argumentos  ›  traditziones

Traditziones

 
info
Sarule, particulare de Sa Burra, tapissu traditzionale Sarule, particulare de Sa Burra, tapissu traditzionale
Sas traditziones populares, suta sas manifastatziones issoro prus vàrias, sunt galu oe raighinadas a fundu in sa cultura sarda.
Su bestire traditzionale espressat su caràtere de una terra cun una istòria millenària e si, comomai, sunt pagas sas biddas de s'ìsula in ue galu como los chinghent a fitianu, est in sas festas mannas, che a cussa de Santu Efis in Casteddu o sa Cavalcada de Tàtari, chi si podet bìdere in totus sas variantes suas.

Fintzas sa produtzione tèssile traditzionale in Sardigna tenet a palas una istòria antiga meda, chi giughet a segus in sos sèculos fintzas a s'edade romana, època in ue b'est sa testimonia de un'atividade tèssile bundante. Ma est mesche in s'Otighentos chi s'ispàrghinat una produtzione a livellu familiare.

S'artesania sarda tenet caraterìsticas chi la faghent ùnica e no imitàbile, gràtzias a motivos de decoratzione particulares, belle unu alfabetu chi est a s'orìgine de unu limbàgiu simbòlicu. Sas orìgines suas non sunt ligadas petzi a sos bisòngios de sa bida de cada die, ma fintzas a unu aspetu sacrale.
Tessìngios, bestires, intàllios, intritzos, tzeràmicas, fiant manufatos destinados, mescamente a su mercadu internu.
Moende dae s'Unidade de Itàlia, intrant a fàghere parte de su protzessu de massificatzione culturale, chi arriscat de nde guastare s'autentitzidade. "Innovazione nella tradizione", su ditzu de Eugèniu Tavolara, creadore de su marcu ISOLA, diat pòdere èssere leadu dae cantos, oe, chèrgiant traballare in su setore artigianale sarbende sas distintziones de sa Sardigna sena renuntziare a sas lògicas de mercadu.
Patrimonio culturale della Sardegna